Ondo egindako alpargatak, ondo aukeratutako materialez bakarrik jos daitezkeelako. Puntada txukuna den lehen begi kolpean ikusten da, baina materiala nolakoa den begiratzen al dugu produktu bat aukeratzeko orduan?
Egia esan, lanik handiena horrek ematen dit niri tailerrean. Batetik, oihal sendoa behar da, ahal dela zuntz naturalekoa, elastikoa ez dena...aukeraketa ez da erraza izaten. Bestetik, hari, zola eta gainontzeko materialen ekoizleak ahalik eta gertukoenak bilatzea gustatzen zait.